jaædsgj

Jæja... lífið í sveitinni er farið að ganga sinn vanagang... foreldrar mínir lifa eins og blóm í eggi því ég og systir mín með okkar hjálparkokka (yngri frændsystkini) sjáum um flest verk sem falla að hendi.

As I’m  speaking er mamma sofandi og pabbi er stunginn af að heiman.

Í kvöld er Jónsmessa og hver veit, kannski maður geri eitthvað í kvöld J

er latari en löt og andlausari en hauslaus önd við að skrifa hérna þessa daganna þannig að dyggir lesendur (mamma) verða bara að bíða rólegir... það hlýtur eitthvað að fara að gerast!

 

jæja, MA, takk fyrir mig

well, helló there HR

fyrir örfáum mínútum rann upp fyrir mér ljós! ég var sársvöng en skyldi ekkert hvers vegna. svo að ég fór að hugsa aðeins og uppgötvaði þá að ég hafði gleymt að borða kvöldmat.
niðurstaða: volg drykkjarjógurt er eitthvað sem að ég myndi ekki leggja mér til munns á hverjum degi.

sit ein inn í tölvustofu MA með föllt af mat og læt fara vel um mig við að semja eitt stykki íþróttaritgerð.
Fór og talaði við Sigurlaugu aðstoðarmeistara í gær og hún sagði að það skipti í raun ekki miklu hverju yrði skilað inn heldur bara að það yrði skilað inn.
Ef ég fæ svo þessar íþróttaeiningar telst mér til að ég muni útskrifast úr MA með 157 einingar... tilhvursífjáranum var ég þá seinustu önnina  MA? nei, þetta segi ég nú með hálfum hug því ég hefði ekki viljað sleppa neinu af árunum í MA og þaðan af síður seinni tveim árunum sem voru skemmtilegustu námsárin, í 4F

Fór einnig í gær á hárstofu og leyfði konu einni að hárreyta mig og slétta á mér hárið auk þess að taka mest allt slitið af. að því loknu varð ég hrædd... hvað ef krullurnar mínar koma ekki aftur? en ég þarf ekki að hafa áhyggjur af því, þær koma við fyrstu vætu, fjúff! ég mun ekki hafa slétt hár á útskriftinni minni, það er einfaldlega of mikil breyting. pantaði mér tíma í strípur og svo ætla ég að reyna að fá einhvern til að setja einhverjar fléttur og dæmi í mig fyrir sautjándann, svona til að gera eitthvað! Ágústa, þú mátt eiga von á hringingu!!

Snillingnum mér tókst að gleyma hleðslutækinu fyrir tölvuna mína heima þannig að ég hafði tvo og hálfan tíma í gær til að vinna að ritgerðinni. ég hringdi í helstu tölvubúðir bæjarins og baðst hjálpar en nei.. enginn vildi lána mér. ekki einu sinni Grjóni, Sigurdís, hann er illa taminn hjá þér jú, reyndar reyndu bókvalsmenn sitt besta en þeir áttu ekkert til. hefði betur haft samband strax við Val kerfisstjóra vin minn sem ég fattaði í morgun en hann var ekki lengi að redda mér. við rifum bara hleðslutæki af einum eðlisfræðikennaranum sem þarf ábyggilega ekkert á tölvu að halda með sinn stóra heila

EN jæja. best að koma sér að ritgerð!

p.s. fékk e-mail í dag um hvort að ég myndi vilja þiggja eða afþakka skólavistina í HR, að þeir skuli þurfa að spyrja!

Ég gerði mér ferð á Akureyri í gær í þeim tilgangi að finna mér föt. Sem ég og gerði. Mér hefur samt sjaldan reynst eins erfitt að finna föt.. yfirleitt hef ég bara getað gengið inn í eina búð og komið þar út með alklæðnað sem ég væri að fullu sátt við. En nei. Ég gekk allar búðirnar (en þær eru nú reyndar ekki það margar) og í margar tvisvar. Það endaði svo með því að ég fékk svartan jakka úr hör sem er algert æði, luv it. Og svo kemur rúsinan.. haldið ykkur fast! Og hvítur skokkur/kjóll! Þeir sem trúa ekki sínum eigin augum geta fengið að berja mig augum á útskriftardaginn og í partýinu tveim dögum síðar. (og já, ef einhver les þetta og telur að sér ætti að vera boðið, call me!)

Kom heim úr þessari reisu því sem næst dáin. Það er svo sárt að vera búin að venja fæturna á dúnmjúka jörðina í sveitinni og þramma svo Akureyrina þvera og endilega á helveítis steypunni... mæli með því að í miðja göngu götuna og með afreinum inn í helstu viðkomustaðina verði lögð graslína ætluð sveitafólki.

Eftir daginn í dag var ég næstum því jafnþreytt og eftir búðarrápið. Ætlaði mér því að fara að sofa á úberkristilegum tíma, klukkan tíu! Klukkan nákvæmlega tíu (ég var aaalveg að fara að sofa) æðir pabbi inn og þarfnast hjálpar minnar. Þannig að ég var að koma heim, utan úr Krók (fjaran) þar sem var verið að grafa nýjan ós fyrir Skjálfandafljót. Ekki spyrja mig af hverju, spyrjið frekar hysteríska fólkið á hinum bakka fljótsins sem er að missa það.... ðpifff

Það er brjálæðislega mikið að gera í næstu viku og ég er í stökustu vandræðum. Ég þarft að fara inná Akureyri aftur á fimmtudaginn og svo þyrfti ég að vera heilmikið viðloðin bæinn í næstu viku sem eru árans vandræði því ég þarf að losa helvítis heimavistarherbergið á föstudaginn eða borga Hótel Eddu gjald, sem ég mun ekki gera... Þannig að: á einhver aukadýnu og aukagólfpláss þar sem ég get fengið að loka augunum yfirblánóttina?

kæra dagbók
dagurinn í dag var afar skemmtilegur. ég tók yfirlýsta mynd af feitri kú.

Fari það grábölvað!! Nú er liðið að kvöldi, ég komin með sítengdu (!) fartölvuna mína í kjöltuna og geri mig tilbúna undir frábæran pistill! En neeei, ég er andlausari en andskotinn, sem þó ætti alls ekki að vera andlaus því hann er and-skotinn (hahaha! )
En jú, meðan ég sat skökk inn í dráttarvél í dag duttu mér í hug hinar og þessar frábæru hugmyndir að pistlum sem ég var nánast búin að skrifa að mestu leyti, í höfðinu á mér. Man svo auðvitað ekkert af þessu núna og hvað þá hugmyndirnar sem voru í kollinum á mér í gær. Ég þyrfti að vera með svona litla stílabók um hálsinn og stíla í hana, eða ennþá betra diktafóninn minn, eða ennþá betra, stafræna diktafóninn minn, svona til að hafa þetta alveg öpp tú deit. Sé fyrir mér þegar ég kem heim að kvöldi, 58 hljóðfælar sem innihalda flestir eitt orð sem ég hef svo ætlað að nota sem kveikju. ,,Vals” og svo ætti að koma stórkostleg saga...sé alveg fyrir mér að þetta virki, rjerjerje

Er byrjuð að taka aftur myndir á símann minn, núna á sumrin er svo skemmtileg birta að það er alveg hægt að taka myndir á gamla skrapatólið, hér er ein sem ég tók á leiðinni heim frá Sigurdísi á mánudagskvöldið.. finnst þetta vera svona skjámynd, dökk mynd en samt sól

ein pæling samt... geta marblettir lifnað við? Sko, ég VAR með marblett, á kannski ekki alveg algengasta stað, ekkert kinký þó, þessi marblettur sæist alveg ef ég færi í sund, í flegnum sundbol... you get the point.. ANYWAY, ég var með marblett, hann fór og svo pomm! Kominn aftur! Og ekki einasta nokkur einasta ástæða fyrir því að hann ætti að komið aftur, marblettaafturganga ef til vill? I’m haunted by a bruise!

Sé ástæðu til að fagna því að ég hef fengið aðgang að bloggi númer fjögur, ætli það séu engin verðlaun fyrir svoleiðis?! Til hamingju Jóna, þú ert hérmeð ofvirkur bloggari sem getur ekki látið sér eitt blogg nægja!

En fyrst ég er í sveitinni verður fólk bara að gjöra svo vel að sætta sig við að ég tali um vinnuna mína! Ég fékk þann vafasama heiður að fá að valta í dag, meðan pabbi lét fara vel um sig á sveitarstjórnarfundi! Til að hafa smá forsögu, þá er rétt að geta þess að þetta landsvæði er á sumrin eitt þurrasta svæði landsins og ber svo sannarlega nafn með rentu þessa daganna. Þegar ég s.s keyrði í eina átt sá ég ekkert því að það var rykmökkur í kringum vélina þannig að ég sá ekki múkk. En þegar ég keyrði hinsvegar í hina áttina sá ég ekkert hvað ég var að valta, svo basically, sama staða. Nú er einmitt gaman að segja frá því að pabba fannst góð hugmynd að lána nýju vélina og ég þurfti að hökta í gamla massey og hann er ekki með loftkælingu (eða svona loftkæling, a la Krít, blæs heitu) og þess vegna þurfti að vera opinn gluggi, í tilraun minni til að sjá eitthvað og steikjast ekki! Þetta varð til þess að ég leit svona út eftir fyrsta flagið , ég ákvað að taka ekki mynd eftir hin fjögur, you can do the math! (ef fólk sér það ekki.. þá er ég í raun alveg næpuhvít, svona í ætt við hvítahúsið á bakvið!)

verð samt að leiðrétta eitt að lokum, ég fer ekki í sund, og ef ég færi í sund, svona til að hafa það á hreinu færi ég aldrei í bleikan sundbol!

Ef einhver móðgaðist við að lesa níðinn um húsavík í gær.. búhú, aumingja þið!

Ætlaði að reyna að komast til RVK um helgina og var svona nokkurn veginn búin að redda fari, en auðvitað klikkaði það eins og allt sem ég reyni að skipuleggja fram í tímann, það er eitthvað með þessa famílíu, á henni liggur einhver bölvun og í hvert skipti sem við reynum að skipuleggja okkur klikkar það. Þannig að fyrir okkur virkar það best að ákveða eitthvað og gera það innan sólarhrings, sem gefst reyndar alveg ágætlega J

Þannig að ég held bara í vonina að hægt sé að fá dísent útskriftarföt á Akureyri.. þar að auki höfum Þóra og ég ákveðið að fara suður eftir 19. jún (nótabene, nákvæm dagssetning er ekki ákveðin svo að það klikki nú ekki) og þar skal skrallað J

Tveim mánuðum síðar (eftir. 19. júni þ.e.a.s) verð ég svo flutt til stórborgarinnar og mun nema við Háskólann í Reykjavík, wúbbídúú!!

Þannig að nú er bara að fá húsnæði (og lán!). Hlakka samt ekki lítið til!

Jæja, pabbi galar, ég held að við séum að fara að marka ( svo virðist sem orðið vinnulöggjöf sé ekki til í landbúnaðarorðaforða)

 

 

Jæjajæja... mikið að gera þessa daganna og þá er sko ekki setið framan við tölvuna heilu og hálfu daganna, onei.

4F hélt sitt síðasta partý á laugardaginn var og var ferðinni heitið til Mývatnssveitarinnar góðu, þar stóðum við í þeirri trú að við hefðum leigt húsnæði en í ljós kom að við höfðum leigt pólskan verkamannabústað ættaðan frá Kárahnjúkum. Ég held ég hafi aldrei þornað eins svakalega í munninum og þegar ég kom að húsinu, hvílík óskup, allt sem kalla mætti slímhúð í mínum kjafti hvarf! Hinsvegar reddaðist það og við fengum tvo alveg ágætisbústaði með heitum potti og gasgrilli í staðinn. Svo var bara tekið til við drykkju, grillið og singstar (og ekki má gleyma hinum klassíska “aldrei hef ég aldrei”)

ég klikkaði sama kvöld á því að mæta í útskriftarveisluna hennar Sigurdísar sem var auðvitað mjög slæmt en ég vona að hún fyrirgefi mér það nú og mætir vonandi í mína veislu, einnig tel ég rétt að biðja hana Ágústu afsökunar að hafa skrifað á kort að hún ætti heima á Syðri-Sandhólum, afsakið (kannski er ég bara skyggn (æi, nú ber hún mig)).

Hef komist að því að það er ekki eins auðvelt að vinna í sveitinni og það var einu sinni. Ég man eftir þeim tímum þegar hugtakið að “herfa” snérist um keyra dráttarvél í hringi í flagi í þeim tilgangi að mylja niður moldarköggla. En neinei, svo einfalt er það nú ekki lengur, nú þarf að sitja í 130 hestafla trölladráttarvél sem þarf að klífa tröppur til að komast upp í og einbeita sér gífurlega að stöngum sem miða að því að slétta dældir (sem enginn sér nema pabbi) í flaginu, auk þess að keyra nokkuð hratt og mylja kögglana.

Fyrst ég er byrjuð að tala um þessa dráttarvél fór ég að spá í muninn á þessari dráttarvél og fjölskyldubílnum. Ég tók að telja saman í huganum kosti og galla hvers tækis fyrir sig. Dráttarvélin sem ég mun hér eftir kalla Dýrið (JohnDeere) er til dæmis u.þ.b 10 árum yngri en fjölskyldubílinn (súbbi), Dýrið er með 6 gíra (eiginlega samt 24 gíra) og getur farið jafnhratt afturbak og áfram, fjölskyldubílinn státar einungis af 5 gírum og bara einum bakkgír. Dýrið er svo hálfsjálfskipt en súbbi ekki að neinu leyti sjálfskipt nema þegar ég fæ manneskjuna sem situr með mér í bílnum til að skipta fyrir mig, en það telst varla með. Hinsvegar býr fjölskyldubíllinn yfir þrefalt meiri hámarkshraða en hvað segja auglýsingarnar? Hraðinn drepur! Svo telst dýrið hafa mun þægilegra sæti (þó að það sé bara eitt þægilegt sæti og annað hálfu óþægilegra) sem fjaðrar í því sem næst allar áttir, ekki býr Súbbi gamli yfir neinu svoleiðis.

 

 

Svona mætti lengi áfram telja en ég mun ekki halda því áfram nema eftir sérstaka beiðnir auk þess sem að fjölskyldubíllinn myndi hata mig, meira.

 

 

Keyrði í gærkvöldi til Húsavíkur í þeim tilgangi að skutla ömmu minni í vinnu hjá syni sínum. Það er alveg merkilegt með þennan bæ, strax og ég var komin innfyrir bæjarmörkin helltist yfir mig þessi ömurleikatilfinning og ég gat ekki beðið eftir því að komast aftur út. Þar að auki er engin leið að komast í gegnum bæinn án þess að lenda á rúntinum og þá vita þeir sem mig þekkja að fyrst þá fer Jónu að líða illa. Eftir að ég hafði náð að halda andlitinu fyrir hana ömmu mína og keyrt alltof stóran hluta af rúntinum og komið henni frá mér, fór ég krókaleiðir í bænum og náði að forðast rúntinn. Tókst það að miklu leyti og andaði léttar þegar ég var komin út úr bænum. Eyddi um leið þeirri staðreynd útúr hausnum á mér að Húsavíkurbær endaði ekki við að ég keyrði útfyrir bæinn að þar endar Húsavíkurbær ekki heldur nær hann langt út í sveit.

Fer þessi bévítans ******* banner frá Vísi bara í mínar fínustu taugar eða á þetta við fleiri? Heimta skýringar!

úff! nú er mikið búið að vera að gerast og ég nenni varla að setjast niður við tölvuna og pikka frá mér allt vit.. en geri það nú SAMT
En ég er nú samt duglegri að blogga en SUMIR (Ester, Thule-inn, Sveinbjörg!!!) uss!
Á mánudaginn var eiginlega svona síðasti skóladagurinn, en það var sparifatadagur að auki og mætti allur 4.bekkur spariklæddur. Við nutum síðustu tímanna okkar og drukkum síðan kaffi og kökur með kennurunum.
Dimissionið var svo í gær og það var svakasvaka, við kláruðum vagninn okkar kvöldið áður sem var án efa sá flottasti á svæðinu og augljóslega sá vagn sem mest vinna var lagt í. þar að auki vorum við með flottustu búningana (þó að T-unit hafi verið sooldið flottir). Fyrst söng 4.bekkur sinn síðasta söngsal uppá Gamla Sal sem var gaman að venju og svo voru bekkirnir kallaðir einn í einu og við vorum síðan borin útúr skólanum í kóngastól af busunum okkar og látin fara í gegnum þrautabraut þar sem við þurftum að skríða yfir bíldekk, hoppa yfir og skríða undir einhverjar slár og enda á því að hoppa ofan í ísskalda barnasundlaug, brr! en til að gera þetta nú skemmtilegra, vorum við látin gera þetta með bundið fyrir augun, en eftir þrautabrautina, sprautaði kúreki framan í okkur vatni og veitti okkur útgönguleyfi úr skólanum.
þá var að koma sér í búningana (eftir að hafa náð hita í ískaldar tærnar) sem var nú ekki mikið mál (hefði maður nú haldið), svört föt, svört lambhúshetta og grænn hólkur en auðvitað tókst sumum strákum (Stebba) að gera sér þetta mjög erfitt... en það gæti samt eitthvað tengst því að ermarnar snéru vitlaust.. eða eitthvað.
þegar öllum bekkjum hafði tekist að koma sér í sína búninga, bauð Jón Már uppá grillaðar pylsur og pepsi og náði Kolla að smella af einni mynd af mér þegar ég sit með sælusvip í grasinu eftir að hafa gætt mér á dýrindispylsu, hamingjusöm baun þar á bænum
þar á eftir tók Palli ljósmyndari myndir af öllum bekkjunum...vúbbíjajjey og allt það..
eftir það tók við löng bið á vögnum fyrir 4F; G; H; T; U og X bekkina því bílstjórinn fyrir A bekkinn var týndur.. en á meðan byggðist upp alveg gríðarleg spenna á milli H-bekkjarins og F-bekkjarins sem einungis gat endað með óskupunum en til að tryggja að við gætum einbeitt okkur að H-inu voru gerðir friðarsamingar við X-ið og U-ið (enda höfðum við séð að X-ið átti grííðarlegan forða af vatnsblöðrum og U-ið, var, jáhh, heavily armed, to say the least). Þegar bílstjóri A-bekkjarins hafði loksins fundist og verið komið fyrir á sínum stað innan í vélinni var tekið af stað, á sama augnabliki hófst stríðið og rigndi yfir okkur rjómaþöktum vatnsblöðrum frá viðbjóðins Háinu en þau fengu sko sinn skerf af baunum og vatnsblöðrum frá okkur, erfitt er nú að segja hver hafi unnið þá lotu en segja mætti að miðhólfið í vagninum okkar hafi orðið verst úti, við vorum allar hundblautar, en hugsað hafði verið fyrir þessu eins og öllu öðru og voru búningarnir okkar fóðraðir að innan með byggingarplasti þannig að ekki var skaðinn mikill (nema hvað manni varð helvíti kalt fyrst, en það er bara aumingjaskapur! ) vert er samt að þakka busunum okkar fyrir vatnsbyssurnar og vatnsblöðrunar sem þau gáfu okkur, þetta kom sér vel! fórum við þá að keyra um bæinn og heilsa upp á hina og þessa kennara sem hafa fylgt okkur í gegnum tíðina. meðfram því voru svo háðar orrustur á milli, getiði hverra? Þegar á leið virtist sem H-ið hefði klárað vatnsblöðrubirgðarnar sínar og voru þau þá hömsuð með baunadýfum, hah! Alger óþarfi ætti svo að vera að minnast á að löggan stoppaði okkur einu sinni.. (ha? lenti Jóna enn einu sinni í löggunni? ) kíktum einnig í Glerártorg og reyndum þar að frelsa baunabræður okkar í Nettó en ekkert okkar reyndist vera með pening til að geta frelsað eina einustu dós..
ef frá eru taldar nokkuð langar biðir sem voru talsverðar moodkillers var þetta hin mesta og besta skemmtun!
Eftir að þessu lauk, tók við smá hvild sem ég ætlaði sko að nýta vel en í hvert skipti sem ég lagði höfuðið á koddann hringdi helvítis síminn og þurfti ég að hanga alveg alltof lengi í simanum og eyddi þar með dýrmætum svefntíma, djöö..
Eftir þennan vannýtta svefntíma var svo boðið til veislu til heiðurs útskriftarnemum sem stjórn Hugins hélt, var þar okkur og kennurum boðið. þar voru nokkrar ræður haldnar, m.a. Hafliði, einn af fallistum árgangsins sem flutti minni fjórðu bekkinga, Láki kennari flutti minni nemenda (maðurinn er hótfyndinn) og loks fluttu tvibbarnir Jón og Anna minni kennara. ég verð nú bara að segja það að ég hef sjaldan heyrt svona margar skemmtilegar ræður á einu kvöldi svo voru sýnd myndbönd frá ferli okkar í MA, þar var byrjað á að sýna frá busuninni okkar (fann enn og aftur hræðsluhrollinn ), og endað á sýna okkur í söngsalnum og þrautabrautinni fyrr um daginn, þá sló það mann!! þetta hefur maður horft á nokkrum sinnum í gegnum árin, 4.bekkingar að hætta í skólanum en þarna vorum við?! arg, við erum að hverfa! þegar þarna við sögu var komið var henni Jónu endanlega lokið en ég gleymdi auðvitað að segja frá því að nóttina áður greip mig ónotaleg veiki sem hafði lítið látið kræla á sér um daginn, gvöðisélof (eða fjandanum kannski?) en laust þá niður af fullum krafti og ég hreinlega varð að leggjast i rúmið. hef ákveðið að taka harkalega á því í Mývatnssveit um helgina, til að bæta fyrir (á samt eftir að reyna að fitta þar inní einu stykki af útskriftarveislu..)

þá fer að ljúka alveg gríðarlega ýtarlegum pistli en ég ákvað að skrifa þetta nú niður til að gleyma þessu ekki ætlaði svo að reyna að komast heim í sveit í dag en þar sem ég var ennþá rosalega slöpp, gekk illa að pakka og enn verr að þrífa þannig að ég ákvað að reyna að gera eins mikið og ég gæti og drífa mig bara í fyrramálið

Verð samt að minnast á þau tímamót sem urðu þegar bekkjarmyndin var tekin í gær. þá náðist Pési í fyrsta skipti á bekkjarmynd en ef vel er að gáð má sjá rauðan hring dreginn utan um hausinn á honum, sjá drenginn, ég vissi að það tækist að koma honum á eina mynd (sem væri ekki phótósjoppuð)







Eru þetta ekki annars flottar baunir? (ef einhver minnist á gúrku eða papriku í commentum verður sá hinn sami bannfærður)

p.s. alveg er þetta merkilegt með mig og mína spádóma, þegar ég spái einhverju þá er það garanterað að það fer alveg á hinn veginn... ætla næst að spá Andorra sigri og að Mónacó muni ekki ná stigi, sjáum til hvernig fer!
p.p.s loksins kom sú góða vinnuregla mín að cópýa alltaf textann áður en ég pósta að góðum notum, en þegar ég ýtti á staðfesta kom bara upp aðalsíðan, en ég var viðbúin og ýtti bara á ctrl+v og voila! ekkert til spillis! (watch and learn, Sveinbjörg!)

p.p.p.s (má þetta?) svo virðist sem pési hafi náð að hakka sig inn á síðuna sem ég náði í myndirnar á, þannig að ég veit ekkert hvort að þær virki eður ei..
p.p.p.p.s (þetta má alveg örugglega ekki) nú eiga myndirnar alveg áreiðanlega að virka! hah!

ég held að ég viðurkenni það bara hér og nú.
Ég er Júróvisjón fanatic, ekki bara fan, heldur fanatic. það fyrsta sem ég geri þessa daganna í stað þess að skoða póstinn minn er að fara einn hring um allar helstu júróvisjón síðurnar, rúv síðuna og bloggið, vísis bloggið, esctoday og aðalsíðuna, eurovision.tv og ef ég er í góðu skapi hlusta ég eða horfi á eitt lag í keppninni.
ég viðurkenni það fúslega að ég mun horfa úberspennt á forkeppnina með hnút í maganum yfir hinum og þessum keppanda, vissuð þið til dæmis að hollenska söngkonan sem mæmar Whitney Houston var bitin af skordýri? neeei, hélt ekki!
Finnst líka æðislegt að lesa pistlana frá hrokafullu íslensku blaðamönnunum sem lýsa því í sífellu hvað Úkraínubúar séu þjófóttir og gráðugir og gera svo grín að öllu samkynhneigðu blaðamönnunum/aðdáendunum... en þeir eru þarna líka, og hafa verið þarna í nokkur ár
Hef þess vegna ekki hugsað mér að fara í nokkurt partý tengt þessari keppni, verð sko að hafa næði til að vega og meta hvern keppanda en guð hjálpi þeim sem verður nálægt ef skoffínið hún Selma vinnur þetta... sem auðvitað gerist ekki en þá verð ég bitur yfir þvi að vera ekki á djamminu.. hehehe
[Update] ég tel nú Ekki miklar líkur á því að við Íslendingar sigrum þessa keppni ef selma verður klædd svona... það er einhver svona fílingur í búningunum sem truflar mig..
ég er búin að velja mér uppáhaldskeppanda og ekki uppáhaldskeppanda,
ekkiuppáhaldskeppandinn minn í ár er frá Hvíta-Rússlandi (og bætti um betur skelfilega framlagið þeirra í fyrra sem var þó líklega skárra en framlagið í ár!) en já svo ákvað ég að velja einn uppáhaldskeppanda af þeim eru ekki líklegir til að komast áfram en það er hann Omar frá Slóveníu sem ku vera með afskaplega flottan nafla, í það minnsta var sýnt nóg af honum í myndbandinu og að sjálfsögðu með unibrow!
þar að auki var honum einhvers staðar likt við Gary Barlow sem var í Take that og já, vá, þetta er samkynhneigð keppni, híhíhí!
annars held ég að Ungverjaland vinni keppnina og ég skil ekkert í þeim sem spá Grikkjalandi sigri! seisei
En þetta dugar ekki lengur! ég hef alveg vanrækt að kynna mér lögin sem eru komin í úrslitakeppnina!
óver and át!

Fyrst og fremst
sat í makindum mínum áðan við að læra ekki, eins og svo oft áður, varð mér þá það til happs að hún móðir mín hringdi í mig og spurði svona í sakleysi sínu, hvenær ég kæmi nú heim... ég svona svaraði til, ah, ég veit nú ekki alveg, bíddu þarf aðeins að fletta upp í dagbókinni, það er nú alveg nægur tími til stefnu ennþá, opna dagbókina og hvað kemur í ljós??!!! það eru 10 dagar eftir af skólagöngu minni í MA og ég fékk hland fyrir hjartað, þetta er óeðlilega stuttur tími! ég þarf að gera svo margt, alveg ótrúlega margt á þessum örfáu dögum og eitt ár myndi alveg duga!! *gisp*

og auðvitað
bý ég svo vel að ég á þráðlausa mús sem er mikið þarfaþing, sér í lagi þegar ég hef fékk nóg af touchpadinu á tölvunni hjá mér. núna er músin mín batteríslaus.. auðvitað þurfti hún að vera batteríslaus þegar ég á ekki pening fyrir þeim munaði sem batterí eru... því auðvitað er það lífsins ómögulegt að vinna nokkurt verkefni almennilega án þess að hafa góða mús!

en ég..
ég örvænti ekki.. ég á eina pepsidós eftir í ísskápnum (þar fyrir utan er útrunnin alóeverajógurt sem systir mín skyldi eftir í byrjun apríl, eða skyldi hún þetta kannski eftir í fyrra skiptið sem hún kom? -ég vona ekki)

þannig að..
ég fór að þrífa (eftir góðan gúlsopa af sykurdrykknum) í þeirri von að undir einhverri hrúgunni leyndust rafhlöður.., en ég fann vasareikni, gatarann minn og þrenn handklæði og þrenn gadgets sem notast við AAA rafhlöður en ekki AA..

einhverra hluta vegna
 virðist fersku lofti lífsins ómögulegt að staldra við í herberginu mínu, þó að það sé slökkt á ofninum hjá mér og glugginn galopinn alla daga og nætur. kertamanneskjan ég hef látið öll kertin mín rykfalla síðustu mánuði því eins og vitað er, brenna þau súrefni og þá sér í lagi eftir að ísskápurinn bættist í samkeppnina um að dæla frá sér heitu lofti, undir öllum kringumstæðum er þungt loft og heitt í herberginu mínu!! gjörsamlega óþolandi og minna þessar aðstæður mig líka, þó ótrúlegt megi virðast á vistarverurnar í fjósinu gamla í mývó á venjulegum sólardegi.. piff.

[Update] svo virðist sem ósk mín um betra loft hafi aðeins misskilist! ég var ekki að biðja um snjókomu og kulda! þetta var kurteisleg beiðni um viftu!

Your Inner European is Russian!

Mysterious and exotic. You've got a great balance of danger and allure.